WinnieYip皮紋分析個案分享 - 貓頭鷹的煩惱

已更新:5月18日

WinnieYip皮紋分析個案分享 - 貓頭鷹的煩惱


陰天對部份貓頭鷹型嘅人唻講都會影響左出門嘅時間,因為天氣介乎想落雨同唔想落雨之間!

點解咁講? 睇下呢個例子有冇係你身上發生過!

老虎型嘅太太同佢貓頭鷹型嘅老公趕住出門參加朋友嘅聚會。從換衫嘅時候開始,老公已經自言自語咁講:「今日嘅天色好似會落雨喎!」

當換完一輪衫,臨出門嘅時候仲拎住把遮問太太:「今日應該會落雨喎!帶唔帶把遮好?」

太太:「好! 咁拎啦!」

老公:「但應該都唔會落好大雨掛,唔拎都可能得喎!」

平時嘅老虎肯答你已經算執到,當咁匆忙嘅時候都肯答你,就真係唔應該再糾纏落去嘞! (起碼唔好再反覆問佢,你自己腦交戰好嗱)

最終老虎太太梗係吼佢啦!

「已經遲晒到,你仲諗諗諗!你慢慢諗啦!我行先!」講完就真係自己出左門口,而貓頭鷹老公亦都覺得好冇癮,好彩老虎太太唔係真係走先,只係[禁]定 lift 先。

好多時貓頭鷹型人都會係決定事情上猶豫不決,以致錯失好多寶貴嘅機會。

作為佢身邊果個其實只要適時推佢一把,佢就會上力嫁嘞!,當然盡量用柔和D嘅方法啦!




18 次查看0 則留言