好多人都話拍到拖唔等於可以過人世, 但世事係無絕對嘅! 幾年前，Sandy同熱戀3個月嘅靚仔男友Alex去晚飯，無辣不歡嘅佢搵侍應要碟辣椒絲，點知男友細細聲講：「你想食辣啫，不如要辣油啦！呢度免費架!」Sandy唯有硬啃辣油啦！需知道嗜辣一族都知道辣油同辣椒絲嘅分別! = =
食食下，Sandy想點杯橙汁, 點知Alex再一次阻止：「你想飲橙汁？我地都就食完飯，一陣去7仔買啦！呢度叫好唔抵呀！」
當初Sandy都呻過:「咁落去點同Alex過人世呀!」 ，其實係Alex心目中Sandy又何嘗唔係一個大花筒! 當Sandy知道Alex嘅管錢區域係最強而又正正係自己最弱，就開始慢慢接受Alex係消費上嘅決策，因為佢深知呢個能力對組織家庭好重要。而Alex亦會不時檢討自己，避免成為Sandy眼中一毛不拔嘅孤寒鬼。
呢家兩個結咗婚4年小朋友都已經2歲嗱! 雖然佢地久唔久都會呻下對方嘅難頂之處，但好快就無事。 從來愛都不能夠長時間盲目地去包容，無理解又點去互相體諒，何況「過人世」呢?
